Agaasimaha Guud iyo Agaasimayaasha Wasaaradda Shaqada iyo Arrimaha Bulshada ayaa Xarunta Dhexe ee wasaaradda ku yeeshay Shirkoodii Todobaadlaha ahaa oo ay Agaasimayaasha isugu imaan jireen Talaado walba waxaana todobaadkan shirka looga hadlay arrimo dhowr ah oo ay ka mid tahay u diyaar garowga Bisha Barakeysan ee Ramadaan (Soon).
Shirka oo uu shir gudoominayey Agaasimaha Guud ee Wasaaradda Shaqada iyo Arrimha Bulshada Mudane Maxamed Cadde Mukhtaar ayaa ugu horeyn waxa uu Agaasimayaasha Waaxyaha uga war bixiyay qodobbo ku habboon shirka todobaadlaha ah oo ay ka mid yihiin; Bisha Barakeysan ee Ramadan( Soonka) sidii Shaqaalaha Soomaaliyeed u gudan lahaayeen waajibaadkooda Shaqo iyo Cibaadada bisha barakeysan ee bilaaban doonta todobaankan gudahiisa, waxaana looga hadlay qaabka waqtiga shaqada Bisha Soon isbadalka ku imaan kara.
Sidoo kale qodobada shirka waxaa ka mid ahaa Website-ka Wasaaradda oo ah www.molgov.so in la dar dar geliyo todobaad walibana lagu daabaco waxa ka soo baxa shirka Todobaadlaha ah ee Agaasimayaasha Wasaaradda Shaqada iyo Arrimaha Bulshada go’aamada ay gaaraan.
Agaasimaha guud ayaa ku boorriyay Agaasimahayaasha in ay ku dhaqmaan Qorshaha iyo Waajibaadka shaqo ee ka kooban 37da qodob ee u degsan Wasaaradda Shaqada Iyo Arrimaha Bulshada.
Shirka Todobaadlaha ee Agaasimayaasha ayaa sidoo kale warbixinno la xiriira horumarrada Arrimaha Bulshada gaar ahaan Naafada ka dhageysteen Agaasimaha Waaxda Macadka Daryeelka Naafada Marwo Safiyo Abuukar Karaani iyo Shariif Adan Maxamed Agaasimaha Waaxda Naafada waxayna sheegeen in ay yaraadeen kaalmooyinkii laga heli jiray hay’adah gargaarka qaarkood.
Sidoo kale waxaa warbixin looga dhageystay Agaasimaha Shaqada Mudane Cabdi risaaq Macalin Cilmi oo ka tirsan Guddiga Kormeerka Hantida Maguurtada ah
Waxuuna sheegay “ taariikhdu markay aheyd 02/06/2015 la bilaabay kormeerka hantida ma guurtada ah ee Wasaaradda Shada iyo Arrimaha Bulshada waxaana kamid ah
- Xarunta shaqo Qorista ( Officio Lavoro) ee Dagmada C/siis
- Xaruntii machadka sidam ee maamulka iyo maaraynta lagu baranjiray .
- Xaruntii Wakaalada Badbaadada Shaqalaha Dowladda Agagaarka Daljirka Dahsoon
- Xarunta curyaamiinta ee cali kamiin wardhiigley
- Guryaha shaqaalaha dowlada ee xamar bila ( Wardhigley )
- Guryaha shaqaalaha ee African village (Dagmada Hodan)
- Baarkii African village dagmada hodan
- Xarunta xeradda curyaamiinta ee digfer Dagmada Hodan
- Guryaha shaqaalaha caymiska D/Yaaqshiid
- Guri deegaan ah wasiir hore xamar billa Wardhiigley
- Guri deegaan ah Agagaarka Digfer d/Hodan
- 5 guri oo deegaan ah xiriirka guud ee ururada shaqalaha dagmada C/casiis
- Xaruntii xiriirka guud ee ururada shaqalaha D/hodan
- Xarunta Tababarka Xirfadle yaasha (IVTC) ee Jidka Warshadaha
- Xarunta Qeymeenta Xirfadla yaasha Qaranka ee Jidka Warshadaha ku taal
- Xaruntii Dhexe ee Xafiisyada ee Wasaaradda Shaqada D/ Cabulcasiis
Agaasimaha Waaxda Mr. Cabdirisaaq ayaa qodob-qodob uga war bixiyay Hantida ay soo kormeereen ayagoo guddi ah.
Agaasimaha Guud ayaa ugu dambeyn tilmaamay in Shirka Todobaadlaha ee Agaasimayaasha ay isku raaceen in lasoo celiyo ololihii Waxqabadka Wasaaradda Shaqada iyo Arrimaha Bulshada, iyo in la garab istaago Wasiirrada Wasaaradda Shaqada taas oo ah Soo dhaweynta Wasiirka Wasaarada oo safar shaqo ugu maqnaa dalka Dibadiisa.
