Kulanka oo ahaa mid labo geesood ah una dhaxeeyay Wasaaradda Shaqada iyo ILOda ayaa kaga furmay Garoonka Diyaaradaha ee Adan Cadde Magaalada Muqdisho, waxaana goobta ku suganaa Wasiir ku xigeenka Wasaarada Shaqada iyo Arrimaha Bulshada Mudane Cusmaan Libaax Ibraahim, Agaasimaha Guud Mudane Maxamed Cadde Mukhtaar iyo Agaasimaha u qaabilsan ILO dalka Soomaaliya iyo Ethiopia mudane George Okutho.
Kulanka ayaa ahaa mid wada tashi iyo isbarasho dhex martay mas’uuliyiinta kala ah Wasiir ku Xigeenka Wasaardda Shaqadda Iyo Arrimaha Bulshada iyo Agaasimaha Somaliya ee ILO.
Marka uu bilowday kulanka waxaa looga hadlay qodobbo dhowr ah oo muhiim u ahaa Shaqada iyo Shaqaalaaha Soomaaliyeed.
Kulan ka ayaa ahaa laba geesood oo ay isku weydaarsanayeen qaabkii loo dardar galin lahaa wada shaqaynta Wasaaradda iyo ILO, masuuliyiinta ayaa aad u lafo gurey qudobba xasaasi ah oo ku haboon wada shaqeyn ka gedisan tii hore in lala yimaado labbada dhinac.
Agaasimaha ILO u qaabilsan Soomaliya Mudane Cabdi Issakh ayaa ku soo dhaweeyay goobta kulanka mas’uuliyiinta ka socday Wasaaradda, wuxuuna sheegey in uu aad ugu faraxsanyahay in ay maanta la kulmaan mas’uuliyiinta sare ee Wasaaradda shaqada iyo Arrimaha Bulshada .
Ugu horeyntii waxaa ka hadley Wasiir Ku xigeenka Wasaaradda Shaqada Iyo Arrimaha Bulshada Mudane Cusmaan Libax Ibraahim “aad iyo aad ayaan ugu faraxsanahay In aan maanta dalkega Soomaaliya aan ku qaabilo mas’uulka wakiilka uga ah ILO Somaliya, muddo dheer ayaa maqlayay magaciisa balse maanta dalkeena ayuu inoogu yimid oo aan kawada hadleyno qodobbo muhiim u ah Shaqada iyo Shaqaalaha Soomaaliyeed”.
Wasiir kuxigeenka oo sii watay hadalkiisa ayaa sheegey “,maanta waxaan noo bilaabanaya waji cusub oo wada shaqeynta ILO iyo Wasaaradda waxaan rabnaa wada shaqeyntaasi in ay ahaato mid ka duwan tii hore oo miro dhal ah , ILO iyo Wasaaradda waxay iskaga dhaw yihiin Wasaaradaha iyo Hay’addaha kale waxaana inoo dhaxeysa wada shaqayn caalami ah”.
Sidoo kale Wasiir kuxigeenka ayaa ka hadley arrimaha saxiixa heshiiska Shaqo u abuurka dhaliyarada Soomaaliyeed wuxuuna sheegey in ay tahay mid aad loogu farxo mashruuca shaqa u abuurka dhaliyarada Soomaailyeed waan soo dhaweynayaa Mas’uuliyiinta Wasaaradda waa ay Saxiixayaan barnaamishkan shaqo abuurka Dhalinyadara, waxaan doonayaa in lagaarsiiyo dhammaan gobolada dalka si ay ugu faaideystaan fursada shaqa u abuurka dhaliyarada .
Agaasimaha guud ee Wasaardda Shaqada iyo Arrimaha Bulshada Mudane Moxamed Cadde Mukhtaar ayaa sheegey in ay fursad weyn u tahay Wasaaradda Shaqada iyo Arrimaha Bulshada kulankani ee la yeelanayaan mas’uuliyinta kasocda ILO “ waxaan rajenayaa in aan wada yeelan doono wada shaqeyn horumar ku talaabsata, sida aad lasocotaan oo qoraalo badan kusoo sheegnay in Wasaaradda isbadal lagu sameeyay ka wasaaradda ahaan waxaana balanqaadaynaa in aan iskala shaqeyn doono, dhamaan howlaha ILO iyo Wasaardda u dhaxeeya .
Agaasimaha Waaxda qorsheynta Mudane Salaad Adan Cabdulle ayaa soo jeediyey in wax walba oo wada shaqeyn ah ay qorsheysan yihiin kuna cad yihiin dukumiinti tixraac leh gaar ahaan mashaariicda.
Dhinaca kale Agaasimaha ee u qaabilsan ILOda dalka Soomaliya iyo Ethiopia Mudane George Okutho oo ah markii ugu horsey ee uu la kulmo mas’uuliyiinta Wasaaradda ayaa sheegey in uu aad iyo aad ugu faraxsan yahay la kulanka mas’uuliyiinta Wasaaradda Shaqadda iyo Arimaha Bulshada .
Mudane George Okutho ayaa kahadley qodobbo dhowr ah oo ku aadan socdaalkiisa shaqo uu ku yimid Magaalada Muqdisho wuxuuna sheegey in uu ka rajeynayo Wasaaradda Shaqada Iyo Arrimaha Bulshada wada shaqeyn hormar leh, wax walbo in ay noqdaan wax qorsheesan oo dukuminti leh, heshiisyadii hore loo galey fulintooda, sida kii dalka Masar Cairo oo wasiirkii hore soo saxiixay ee ahaa ( decent work programme for Somalia).
Sidoo kale wuxuu ka hadlay mashaariicda dhaliyaradda shaqo loogu abuurayo ee ( Youth Employment Programme) iyo qaabka loo shaqaaleyn doono la taliyaha arrimaha shaqada ILO iyo Wasaaradda shaqada, sidoo kale wuxuu kahadley in ay Wasaaradda Shaqada boqol nooc oo mashruuc ah loo hayo shaqaalaha Soomaliyeed ka faa’iideysan karaan, wuxuu kaloo nintaa raaciyay in sharciga shaqaalaha u hayaan dhaqaale sidii dib uhabeyn loogu sameyn lahaa hadii aad soo codsataan ka Wasaarad ahaan.
Agaasimaha ayaa aad ugu dheeraaday Shirarka Caalamiga kuwa ILO qabato jiraan shaqsiyaad soo xaadiro oo magaca wasaaradda ku socda ama waa ay yar yihiin soo xaadirkooda , waxaan balan qaadeynaa ILO ahaan in aan gacan kageysano in aad ka soo qeyb gashaan shirarka caalimaga ah ee looga hadlayo danta dalka Soomaaliya .
Wuxuuna codsadey in dowlada Soomaaliya laga gaarsiyo fariin ku aadan in ay iska bixiyaan Qaaraanka lacageed ee codka Soomaliya ku leedahay shirarka caalamiga sida kan Geneva oo kale iyo kuwa la mid ah .
Ugu dambeen Wasiir kuxigeenka Wasaaradda Shaqada iyo Arrimaha Bulshada Mudane Cusmaan Libaax Ibrahim ayaa sheegey in uu la tashi badan la sameyn doono xukuumada iyo golaha baarlamaanka si loo fuliyo howlaha wada shaqeynta ILO iyo Wasaaradda Shaqadda hadii ay ahaan lahayd ansixinta heshiisyadda dhexmaraya ILO iyo Wasaaradda Shaqada iyo Arrimaha Bulshada .
W/D waaxda xiriirka Guud iyo Isgaarsiinta