Wasiirka Wasaaradda Shaqada iyo Arrimaha Bulshada XFD, Mudane Dr. Maxamed Cilmi Ibraahim ayaa kulan la yeeshay Safiirka Dawladda Qatar u fadhiya Soomaaliya Safiir Dr. Abdolla salem alnuaimi .
Labada dhinac ayaa ka wada hadlay arrimaha la xiriira shaqo abuurka iyo xirfad siinta bulshada, kor u qaadista wada shaqeynta iyo iskaashiga, iyo mashariicda ay isla wadaan Wasaaradda iyo Dawladda Qatar.
Sidoo kale Wasiirka ayaa Safiirka uga xog-waramay dedaalada ay Wasaaraddu ka wado kor u qaadista shaqo abuurka iyo horumarinta barashada xirfadaha bulshada gaar ahaan dhallinyarada.
Safiirka ayaa isaguna dhankiisa xusay in xiriirka labada Dal uu yahay mid soo jireen ah oo u baahan in la sii xoojiyo.
Ugu danbayntii Wasiirka ayaa uga mahad naqay Safiirka soo dhaweynta quruxda badan sido kalena ballan qaaday xoojinta xiriirka.