Muqdisho 11/01/2023 Wasiirka Shaqada iyo Arrimaha Bulshada Mudane Biixi Iimaan Cige ayaa bogaadiyay ka soo qeyb galayaasha shirka guddiga farsamada ee maaraynta socdaalka shaqo ee dalalka Geeska Afrika ka dib markii u daah furay shir hal maali ah, waxaana uu ka sheegay shirkaas in qulqulka shaqaalaha ay qayb ka yihiin dadka Soomaaliyeed ee shaqo doonka ah, waa mid ka mid ah meelaha ugu muhiimsan in wax laga qabto, kaas oo u baahan in lagu saleeyo hab sharci ah.
Wasiirka Wasaaradda ayaa sheegay in ay door muuqda uga qaadanayaa taaba gelinta iyo la shaqeynta guddiga farsamada ee maaraynta socdaalka shaqada ee dalalka Geeska Afrika, iyadoo ay Wasaaraddu ku hawlan tahay sidii ay u soo saari lahayd sharuucda hagi laheyd arrimaha Socdaalka shaqo doonka.
Sidoo kale Wasiirka ayaa intaa ku daray in Baarlamaanka Soomaaliya 2015-kii ay ansixiyeen sharciga shaqaalaha Ajaanibta ah. Kaas oo wax badan ka qabtay Shaqaalaha soo galootiga ah. “ Shaqaalaha Soomaaliyeed waxay noqon doonaan kuwo qab leh oo ku faani kara dalkooda Hooyo haddii ay u shaqo tagaan dalalka deriska iyo Carabta .” Sidaana waxaa yiri Wasiir Bixi
Gabagabadii, Wasiirka ayaa ku ammaanay ka qeyb galayaasha doorkii ay ka qaateen qabanqaabada shirkan, sida Hay’adda ILO, Ururada Shaqaalaha FESTU, Rugta Ganacsiga Soomaaliyeed iyo Wasaaradaha Dowladda Federaalka ee quseysa arrimaha Socdaalka.
Shirka qodobada looga hadlaayey waxaa kamid aha:
- Isbeddellada socdaalka shaqada ee Soomaaliya oo ay ku jiraan caqabadaha iyo Fursadaha jira(Labor Migration trends in Somalia including challenges and opportunities).
- Habka ILO ee Maamulka Socdaalka Shaqada & BRMM-ka (ILO’s Approach to Labor Migration Governance & Better Regional Migration Management BRMM)
- Mudnaanta Barnaamijka Socdaalka Shaqada ee uu u leeyahay Dalka Soomaaliya si loo ogaado Qorshaha Shaqada ee hortabinta u ah. BRMM (Somali Country Priorities on Labor Migration to inform BRMM Work Plan)
Wasiika ayaa u rajeeyey kulankaan qododbada kasoo baxa mid miro dhal ah