Wafdi uu hogaaminayay Agaasimaha guud ee wasaaradda shaqada iyo Arrimaha Bulshada mudane Aweys Sheekh Hadad ayaa u dhoofay magaalada Nairobi ee dalka kenya.
Agaasinka Shaqada Arrimaha Bulshada mudane Xadad ayaa warbaahinta u sheegay in uu socdaalkiisu ku wajahanyahay ka qeyb galka Workshop looga hadlayo tababarida iyo Xirfad shaqo u abuurka Dhalinyarada Soomaaliyeed.
Aqoon isweydaarsigan (Workshop-ka) ayaa waxaa soo qaban qaabiyay Hay’adda Educational Trust ( CFBT). Waxaana looga hadlayaa barnaamijka Tababarka iyo xirfadaha ee loo yaqaan (TVET) Technical Vocational and Educational Training).
Wafdi balaran uu hor kacayey Agaasimaha guud ayaa iskugu jiray Agaasimeyaal Wasaaradeed oo ka kala socday Wasaaradda Hidaha iyo Tacliinta Sare iyo Wasaaradda Waxbarashada. Aqoon iswaydaarsigaan ayaa laba cisho ka socon doona dalka Kenya Magaalada Nairobi.
Socdaalka Agaasimaha ayaa la sheegayaa inuu la xariiro sidii ay Mas’uuliyiinta Wasaaraddahaasi iyo (TVET) Technical Vocational and Educational Training) isku dhaafsan lahaayeen doorka waxbarasho iyo qaabka shaqo abuurista iyo xirfadaha ay u baahan yihiin shaqaalaha Soomaaliyeed
Wasaradda Shaqada iyo Arrimaha Bulshada oo laheyd qaban qaabinta kulankan ayaa soo bandhigi doonta xarumihii hore ee lagu tababari jiray shaqaalaha soomaaliyeed dhinaca xirfada sida dhismaha GTZ ama xero jarmal iyo qaabkay u shaqayn jirta beri samaadkii haatana dib loogu soo celin lahaa howlihii tababarka ay u qaban jirtay xirfadlayda Soomaaliyeed.