Wasaaradda shaqadda iyo arrimaha bulshada oo kaashaneysa Shirkada caalamiga ah ee (ASAL Consulting) ayaa kulan wada tashi iyo aqoon-isweydaarsi u qabatay mas uuliyiin ka tirsan guddiga farsamada ee tirakoobka shaqaalaha dowladda, waxuuna ka dhacay kulanka Hoteelka SHabeel ee magaaladda Muqdisho.
kulanka waxaa goobjoog ka ahaa Agaasimaha Guud ee (MOLSA), Agaasimayaal Waax iyo madax qeyb ka tirsan Gudiga farsamada ee tirakoobka Shaqaalaha dowladda federaalka Soomaaliya, la taliyeyaasha wasaaradda Shaqada iyo Arrimaha Bulshada iyo Mas’uuliyiin ka socotay Shirkada (ASAL Consulting) iyo (African Development profissional Group) .
kulanka wada tashiga iyo aqoon-isweydaarsiga ayaa looga hadlay hab maamuuska iyo hanaanka farsamo ee loo tirakoobi karo Shaqaalaha Rayidka ee Hey’adaha Dawladda XFS.
Ka qayb-galayaasha kulanka aqoon-isweydaarsiga ayaa isku dhaafsaday fikrado iyo doodo ku saabsan sidii loo heli lahaa hab mideysan oo ay ugu faa’ideysan lahaayeen waqtiga uu soconayo mashruuca tirakoobka shaqaalaha dawladda oo socon doona mudo Lex bilood ah ayna howl wadaagayaan Gudiga farsamada ee tirakoobka Shaqaalaha Rayidka ee Hey’adaha Dawladda ay horkacayaan Shirkada (ASAL Consulting) iyo Wasaaradda Shaqadda iyo Arrimaha Bulshada.
Ugudambayn, Agaasimaha Guud ee Wasaaradda Shaqada iyo arrimaha Bulshada mudane Maxamed Cadde Mukhtaar oo kulanka soo xiray ayaa u mahad celiyay dhammaan ka soo qeyb galayaasha iyo khubarada Shirkada (ASAL Consulting). waxuuna sheegay Agaasimaha Guud “waxaan filayaa in laka faa’ideystay lana fahmay (Tools) ka lagu howl galaayo iyo sida loo howl galaayo, waxaan Allaah ka baryayaa in uu sahlo masuuliyda aan u qaadnay in aan soo tirakoobno Shaqaalaha Rayidka ee Hey’adaha Dawladda”.