shir wada tashi oo ah dib u habeynta sharciga shaqaalaha rayidka ee L11 ayaa lagu qabtay xarunta dhexe ee Wasaarada shaqada iyo Arrimaha Bulshada Magaalada Muqdisho, waxaana shir gudoominaayey Wasiirka Wasaarada Shaqada iyo Arrimaha Bulshada Mudane Salax Axmed Jaamac, shir ayaa ahaa mid wada tashi iyo isbarasho dhex marta Xubnaha Guddiga waxaa looga hadlay qaabkii loo dardar galin lahaa dib u habeynta sharciga shaqaalaha rayidka ee L11.
Agaasimaha guud ee Wasaaradda shaqada iyo arrimaha bulshada Mudane Maxamed Cadde Mukhtaar ayaa wasiirka wasaaradda ugu war bixiyay tariiqdii wada shaqeyn uu soo maray gudiga dib uhabeynta sharciga shaqlaha rayidka ee dowlada L11. “Sharciga Shaqaalaha rayidka ee no.11 waxuu soo maray shaqo aad u dheer oo dhanka tarjumidda ah eek u saleysnaa qaabkii hore uu u qornaa sharcigii shaqaalaha rayidka soomaaliyeed, waxuuna u baahnaa tafatirid, ka fikirid iyo waafajin sharuucda caalamka u dagsan ee shaqada iyo shaqaalaha.
waxa si daah furan laysku weydarsanayay su’aalo iyo jawaabo ku saleysan dib u habeyta sharciga shaqaalaha sida hay’adaha gacanta ka geysanayay dib uqorista shaqrciga shaqaalaha oo kala ah UNDP iyo WORDL BANK iyo caqabadaha hortaagnaa in uu miro dhal noqdo sharcigani.
Waxaa si aad ah loogu nuux nuux saday hakadka ku yimid dhameystirka sharciga shaqalaha oo ahayd qaabkii la isla waafajin lahaa Musharaadka iyo darajoonyinka shaqaalaha (pay and grading) iyo ku saleynta habka federaalka uu hatan dalka sii guda galay oo u baahan siyaasad mideysan oo ay leeyihiin shaqaalaha Soomaaliyed.
“Soo saarida sharci mideysan oo fadaral ah wuxu ubahan yahay in la sameeyo wada tashiyo badan oo lala galayo dhammaan dowlad gobaledyada waxa la sheegay in ay dhammaan dowlad gobaledyada leeyihiin guddi shaqale rayid oo u gaar ah, marka laga reebo hirshabeele oo ku gudo jirto in ay yeelato guddig shaqaalle rayid” sidaana waxaa yiri mid ka mid ah guddiga.
Gudomiyaha guddiga shaqalaha rayidka Mudane Xasan Abshirow Maxamed aya yiri “ daruuf ayaa keentay in uu socon waayo dib u habeynta sharciga shaqalaha L11 inta aan kaso qabanay waxa aan ku tilmameynaa iney tahay bilaw fiican oo ah (0 draft ) waxaa jira oo aan cadeynayaa sharci ay leeyihiin shaqaalaha rayidka oo 2016 la sameeyay balse midkan fadaraalka waxa noo keenay hay’adaha UNDP iyo WORDL BANK, labadan sharcina waxaa u dhaxeeya farqi balaaran, waxaa nagala shaqeynayay quburo ajnabi ah oo ay so dirsadeen hay’adaha UNka, qubarada ajnabiga ayaan noola shaqeyn sidii la rabay oo ah dhameys tirka sharigani”n sidaana waxaa yiri Gudoomiye Xasan Abshirow.
Sido kale waxa su’aalo la iska waydiiyay sharcigi hore ee shaqalaha L11 2006 dhaliisha uu leeyahay.
Waxa looga jawabay in sharcigi hore ay ku wada mideysan yihiin sharciga iyo anshaxa balse loo baahan yahay in la kala saaro sharci iyo anshax, taasina waxay noqotay mid ay wada garaawsadeen guddiga lagana dhigo wax kala baxsan oo leh mabaa’diid sharciga iyo anshax. Sido kale waxa aad loo falan qeyay doorka dadka da’da ah (patient) oo u bahan go’aan ka garis iyo kawada xaajood qaabka loo abaal marinayo (patient) ayado lagu saleynayo duruufaha jiro. siyaasada sharciga shaqalaha waxa uu ku xiran yahay dowladda Soomaaliyeed gaar ahaan Wasaaradda Shaqada iyo Arrimaha Bulshada.
Ugu dambeyntii waxaa soo gabagabeeyay shir Wasiirka Wasaaradda Shaqada iyo Arrimaha Bulshada Xil. Saalax Axmed Jaamac waxuuna u mahad celiyay gudiga ku howlana dib u habeynta sharciga shaqaalaha rayidka wuxuuna ku amaanay mudadii sanadka ahayd wax kaga badalaan sharciga shaqaalaha rayidka L 11. Wuxuna yiri “waxaan ogaaday in ay idin hor kacayeen quburo ay soo dirtay Qaramada midobay waxana idin balan qaadayaa in aan dib usoo celin doono ka shaqeynta sharciga shaqalaha rayidka ah taas oo lagu saleyn doono ku dhaqanka arrimaha federaalka waxana la tashiyo badan la sameyn doonaa cid waliba oo gacan ka geysan karta mideynta iyo fulinta sharciga shaqalaha rayidka ee dowladda sida ugu dhaw”.