Tababar ay soo qaban qaabiyeen wasaaradda shaqada iyo Arrimaha bulshada iyo Hay’ada CESEPSO ayaa ka furmay xarunta wasaarada shaqada iyo arrimaha bulshada tababarkaani oo ujeedkiisu ahaa sare u qaadidda xirfada shaqo iyo tayeynta aqoonta shaqaalaha wasaaradda shaqada iyo arrimaha bulshada
Casharada lagu qaadanaayo tababarkan furmays ayaa waxaa ka mid ah maamulida shaqada iyo shaqaalaha iyo xaqa ay leeyihiin shaqaaalaha iyo xaquuqda lagu leeyahay waxaa kaloo kamid ah casharada soo dhawaynta macaamiisha iyo hab dhaqan wanaaga looga baahan yahay shaqaalaha iyo baratakoolka suuban.
Agaasimaha waaxda tababarada wasaaradda shaqada iyo arrimaha bulshada mudane ismaaciil macalin Cabdulaahi oo daahfuray madasha tababarka lagu bixinaayey ayaa halkaasi ka jeediyey qudbado iskugu jirta talo iyo waano oo ku dhiiri galinayey shaqaalaha kasoo qayb galay tababarka sare loogu qaadayey aqoonta shaqaalaha wasaaradda wuxuuna yiri :“tababarkaan waxuu muhiim u yahay shaqaalaha ka kala socday waaxyaha ay wasaaradda shaqada ka kooban tahay waxan rajaynaa in ay wax badan ka faa’iidaan oo dhanka maamulka iyo qaabkii ay kula dhaqmi la heydeyn bulshada aad u adeegaysaan ,cilmigii aad ka barateen intuu socdo tababarkaan waxaad kula laaban doontaan waaxyaha aad ka shaqeyneysaan tababarkana wuu furan yahay “
Waxaa sidoo kale qudbado muhiim ah oo dhinacyo badan taabanaya ka jeediyey xildhibaano iyo mas’uuliyiin ka socda wasaaradda shaqada iyo arrimaha bulshada, xildhibaan cabdi xaashi oo dhiira galin u soo jeediyey ayaa yiri” waa muhiim in aan noqotaan dad wax bartay oo ka faaideysta qeyraadka uu leeyahay shaqada aad u haysaan shacab somaaliyeed u guta si wanaagsan kaga faa’idaysta tababarkaan waa idiin muhiim ”
Tababarkaani loo qabtay shaqaalaha wasaaradda ayaa u fududeenaya shaqaalaha wasaaradda inay kala gartaan waajibaadka saran iyo xaquuqda ay ku leeyihiin wasaradda wuxuuna tababarkaani socon doona muddo sedex maalin ah iyadoo la gudoon siindoono shahaado sharaf muujineysa sida wanaagsan ay shaqaalaha ugu qayb qaateen tababarkaani
