Shirka Wasiirada shaqada ee Qaaradda Afrika ayaa waxaa loga hadlaayay sidii dadka Afrikaanka ah loogu sameyn lahaa shaqo hufan oo dhinac walba ka hagaagsan (descent work programme).
Soomaaliya ayaa waxaa ugu qaybgalay wafdi uu hogaaminaayey wasiir ku xigeenka wasaaradda shaqada iyo Arrimaha Bulshada Mudane Cusman Libax Ibrahim, waxaa ku wehliyay Agaasimaha Guud ee wasaaradda Shaqada iyo Arrimaha Bulshada Mudane Maxamed Cadde Mukhtaar, Guddoomiyaha iskutaga Ururrada shaqaalaha Mudane Maxamed Cusman Xaaji iyo loo shaqeeyayaasha Soomaaliyeed.
Wasiir ku xigeenka wasaaradda shaqada iyo Arrimaha Bulshada Mudane Cusman Libax Ibrahim oo la hadlaay warbaahinta ayaa sheegay in shirkan looga hadlaay Arrimaha shaqada iyo shaqaalaha Afrikaanka sidii loo hagaajin lahaa.
Wasiir ku xigeenka ayaa sheegay “Shirka ayaa looga hadlaayay wadamada bur buray iyo kuwa horumaray ee G 7 Ka labadoodaba sidii dhalinyarada Soomaaliyeed shaqoo loogu abuuri lahaa, ILO na garab weyn ayey nagu siineysaa” sidaana waxaa yiri Wasiir ku xigeenka.
Shirka ayaa ahaa kii sedex iyo tobanaad oo Afartii sanoba mar la qabto, waana markii ugu horeysey ee ay Soomaaliya ka qaybgasho muddo ka badan labaatan sano.