Shir looga arrinsanayey dejinta istaraatijiyada tababarada shaqaalaha rayidka ee dawladda ayaa kusoo geba geboobey is afgarad iyo natiijo wanaagsan.
Wasiirka Wasaaradda shaqada iyo arrimaha Bulshada Saalax Axmed Jaamac oo ahaa shir-gudoomiyaha shirka ayaa ku soo dhaweeyay mas’uuliyinta sare ee Jaamacadda Ummadda Soomaaliyeed uu hor kacayay gudoomiyaha Mudane Maxamed Axmed Jimcaale iyo mas’uuliyiin kale oo ka tirsan, xafiiska rw iyo wakiilka WB ee arrimaha shaqaalaha (CIM) iyo mas’uuliyiinta wasaaradda shaqada uu kamid ahaa agaasimaha guud wasaaradda shaqada Mudane Maxamed Cadde Mukhtaar, xoghaya joogtada molsa Xasan Shariif Cusmaan, Lataliyaha wasaaradda Mudane Yuusuf Salaad Warsame iyo agaasimayaasha waaxyaha Wasaaradda Shaqada iyo Arrimaha Bulshada.
Shirka ayaa inta uu socdey waxaa si adag looga doodey dhammaan qaabka loo hergelin karo tababaradaasi la doonayo in shaqaalaha rayidka dawladda lagu tababaro sanadkan gudahiisa iyadoo si cad loo iftiiminayo natiijada ka dhalan karta ee laga doonayo in la hergeliyo aqoon kororsiga shaqaalaha rayidka ah ee Dawladda.
Gebogebadii shirka ayaa waxaa laysla qaatay dhammaan casharada ay u baahan yihiin in laga dhiso shaqaalaha rayidka dawladda in la horgeeyo hay’adaha ay iska kaashanayaan jaamacada ummada iyo jaamacadaha kale si loo ansixiyo, wixii ka dambeeyana si dhab ah loo dhaqan gelin doono bixinta tacliinta shaqaalaha rayidka ah ee Dawladda.